BMT-nin Ümumdünya Turizm Təşkilatı: 2025-ci il turizm üçün ən uğurlu il olub
BMT-nin Ümumdünya Turizm Təşkilatının 2025-ci ilin yekunlarına dair hazırlanan - "Dünya Turizm Barometri" adlanan son hesabatında yer alan rəqəmlərə görə, qlobal turizm artıq sadəcə bərpa mərhələsini bitirməyib, həm də yeni tarixi zirvələrə çatıb.
nigar
BMT-nin Ümumdünya Turizm Təşkilatı 2025-ci ilin ilkin yekunlarını açıqlayıb. Hesabata görə, bu il qlobal turizm dövriyyəsi və turist sayı rekord həddə çataraq hətta pandemiyadan öncəki göstəriciləri də 12% üstələyib.
Pandemiyadan öncəki dövrlə müqayisədə rekord: 112%-lik bərpa
2025-ci il turizm sənayesi tarixinə "Qızıl İl" kimi düşüb. Əgər 2023 və 2024-cü illər turizm sənayesində bərpa illəri hesab olunurdusa, 2025-ci il mütləq artım ili kimi xarakterizə olunub. Bunun da əsas səbəbi qlobal səviyyədə beynəlxalq turist gəlişlərinin sayının 1.6 milyard nəfəri keçməsi, yəni, 2019-cu illə müqayisədə turizm sektorunun 12% böyüməsi olub.
Regional Liderlər: Asiya və Yaxın Şərq ölkələri
Artımın lokomotivləri bu il dəyişməz olaraq qalsa da, templər bir qədər də sürətlənib:
-
Yaxın Şərq: 2019-cu ilin səviyyəsini ən çox (təxminən 25%+) üstələyən region olaraq liderliyini qoruyub. Bu artımın əsas səbəbi isə Səudiyyə Ərəbistanının "Vizyon 2030" layihəsi və BƏƏ-nin cəlbedici tədbirləri olub.
-
Asiya və Sakit Okean: Çinin beynəlxalq səyahət bazarına tam və aktiv qayıdışı bu regionda 95%-lik bir bərpa və sürətli artıma səbəb olub. Xüsusən də Yaponiya və Vyetnam kimi ölkələr turist axınında rekord qırıblar.
-
Avropa: Artım tempi daha stabil olsa da (təxminən 5-7%), gəlirlilik baxımından Avropa hələ də dünya lideridir.
