Gecə Muzeylərindən Sualtı Macəralara – Türkiyənin ən yaxşı “Noctourism” təcrübələri
Son illərin araşdırmaları və turizm sənayesinin müşahidələri göstərir ki, “noctourism” – yəni gün batandan sonrakı səyahət və istirahət təcrübələri dünyada sürətlə populyarlıq qazanır. Bu sahədə Türkiyədən daha münasib məkan tapmaq isə çətindir. İqlimi, bol günəşli havası və müxtəlif imkanları ilə ölkənin uzun yayı bəzən oktyabra qədər davam edir, bu da gecə gəzintilərini daha da cəlbedici edir.
nigar
Resorting.Az xəbər verir ki, uzanan isti yay axşamlarında qonaqlar bu sehrli diyarda saysız-hesabsız gecə təcrübələrindən həzz ala bilirlər. Onların ən maraqlılarından biri ulduzların altında muzey turlarına çıxmaqdır. “Gecə Muzeyləri” layihəsi sayəsində ziyarətçilər Türkiyənin mədəniyyət incilərini qaranlıq düşdükdən sonra da kəşf etmək imkanı qazanırlar. Təkcə ötən il bu layihə çərçivəsində İzmirin qədim Efes şəhəri və Denizlikdəki Hierapolis (Pamukkale) də daxil olmaqla, ölkənin ən möhtəşəm irs abidələrinə 395 mindən çox turist axın edib.
Lakin Türkiyədə gecə həyatını unikal edən yalnız işıqlandırılmış muzeylər deyil. Günəş batdıqdan sonra da bu ölkəni tamamilə başqa bir gözəllikdə təqdim edən saysız səbəb var. Gəlin birlikdə araşdıraq, nə üçün Türkiyə qaranlıqdan sonra da unudulmaz təcrübələr bəxş edən bir məkan hesab olunur.
